Расширенный поиск
13 Июля 2025 года
Логин: Регистрация
Пароль: Забыли пароль?
Навигация
Словарь
  • Башы джабылгъан челекге, кир тюшмез.
  • Агъач халкъгъа алтынды, иссиликге салкъынды.
  • Ауузу бла къуш тута айланады.
  • Уллу айтханны этмеген – уллаймаз.
  • Кюлме джашха – келир башха.
  • Къатын байлыкъны сюер, эр саулукъну сюер.
  • Тешигини къатында, чычхан да батыр болур.
  • Тёрени джагъы джокъ.
  • Сагъыш – къартлыкъгъа сюйюмчю.
  • Рысхы – насыбха къор.
  • Тойгъандан сора, ашны сёкме.
  • Аджашханны ызындагъы кёреди, джангылгъанны джанындагъы биледи.
  • Айранны сюйген, ийнек тутар.
  • Бойнуму джети джерден кессенг да, мен ол ишни этеллик тюлме.
  • Экиндини кеч къылсанг, чабыб джетер ашхам.
  • Айран ичген – къутулду, джугъусун джалагъан – тутулду.
  • Ачыу алгъа келсе, акъыл артха къалады.
  • Зар адамны насыбы болмаз.
  • Онгсузну – джакъла, тенгликни – сакъла.
  • Телини эшигин, махтау джабар.
  • Чабар ат – джетген къыз.
  • Кёзню ачылгъаны – иги, ауузну джабылгъаны – иги.
  • Тилчи бир сагъатха айлыкъ хата этер.
  • Башда акъыл болмаса, эки аякъгъа кюч джетер.
  • Суугъа – чабакъ, къаягъа – ыргъакъ.
  • Таукелге нюр джауар.
  • Ашхылыкъ джерде джатмайды, аманлыкъ суугъа батмайды.
  • Арбаз къынгырды да, ийнек сауалмайма.
  • Тынгылагъан тынгы бузар.
  • Тойгъа алгъа да барма, тойда артха да къалма.
  • Ашха уста, юйюнде болсун
  • Мал кёб болса, джууукъ кёб болур.
  • Джангыз терек къынгыр ёсер.
  • Хар адамгъа кеси миннген тау кибик.
  • Термилгенинги табмазса, кюлгенинге тюберсе.
  • Адам боллукъ, атламындан белгили болур.
  • Джарашыу сюйген – джалынчакъ.
  • Уллу сёлешме да, уллу къаб.
  • Биреу къой излей, биреу той излей.
  • Билмегенинги, билгеннге сор.
  • Ач къалгъандан, кеч къалгъан къолай.
  • Къонагъынгы артмагъын алма да, алгъышын ал.
  • Башы ишлегенни, ауузу да ишлер.
  • Сёлеш деб шай берген, тохта деб, сом берген.
  • Суу ичген шауданынга тюкюрме.
  • Мухар, кеси тойса да, кёзю тоймаз.
  • Эки къатын алгъан – эки ташны ортасына башын салгъан.
  • Эл ауузу – элек, анга ийнаннган – халек.
  • Бети бедерден, намыс сакълама.
  • Ишни ахырын ойламай, аллын башлама.

Видеогалерея

Новое

Последнее просмотренное

Популярное

Радио Барс Эль

Будь на правильной волне!

Перейти

Последние комментарии