- Аман адамны тепсинге олтуртсанг, къызынгы тилер.
- Гырджын – тепсини тамадасы.
- Тамырсыз терекге таянма – джыгъылырса.
- Иги джашны ышаны – аз сёлешиб, кёб тынгылар.
- Экеулен сёлеше тура эселе, орталарына барыб кирме.
- Ётген ёмюр – акъгъан суу.
- Ауузу аманнга «иги», деме.
- Аман къатын сабий табса, бий болур…
- Къартны сыйын кёрмеген, къартлыгъында сыйлы болмаз.
- Къазанда болса, чолпугъа чыгъар.
- Ата Джуртуму башы болмасам да, босагъасында ташы болайым.
- Бетинги сатма, малынгы сат.
- Ашхылыкъ джерде джатмайды, аманлыкъ суугъа батмайды.
- Къыз келсе, джумуш эте келеди, къатын келсе, ушакъ эте келеди.
- Татлы сёз – балдан татлы.
- Ауузу бла къуш тута айланады.
- Къонакъ аман болса, къонакъбай джунчур
- Чакъырылмагъан джерге барма, чакъырылгъан джерден къалма.
- Минг тенг да азды, бир джау да кёбдю.
- Джарашыу сюйген – джалынчакъ.
- Къалгъан ишге къар джауар.
- Байны къызы баймакъ болса да, юйде къалмаз!
- Къайтырыкъ эшигинги, къаты уруб чыкъма.
- Терек ауса, отунчу – кёб.
- Къаллай салам берсенг, аллай джууаб алырса.
- Ёлген эшек бёрюден къоркъмайды.
- Джуртун къоругъан озар.
- Накъырданы арты керти болур.
- Къайгъыны сюйген, къайгъы табар.
- Джети тилни билген джети кишиди.
- Къарнынг тойгъунчу аша да, белинг талгъынчы ишле.
- Абынмазлыкъ аякъ джокъ, джангылмазлыкъ джаякъ джокъ.
- Бир онгсуз адам адет чыгъарды, деб эштирик тюлсе.
- Эм ашхы къайын ана мамукъ бла башынгы тешер.
- Кёбден умут этиб, аздан къуру къалма.
- Къызбайны юйюне дери сюрсенг, батыр болур.
- Намысы болмагъанны, сыйы болмаз.
- Биреу ашаб къутулур, биреу джалаб тутулур.
- Уллу айтханны этмеген – уллаймаз.
- Ишни аллы бла къууанма да, арты бла къууан.
- Джарлы джети элни сёзюн этер.
- Тас болгъан бычакъны сабы – алтын.
- Ач, тоймам, дейди, тойгъан, ач болмам, дейди.
- Чомартха Тейри да борчлуду.
- Юйлю уругъа ит чабмаз.
- Къошда джокъгъа – юлюш джокъ.
- Ашха уста, юйюнде болсун
- Ауурну тюбю бла, дженгилни башы бла джюрюген.
- Элге къуллукъ этмеген, элге ие болмаз.
- Эшекге миннген – биринчи айыб, андан джыгъылгъан – экинчи айыб.
