- Орну джокъну – сыйы джокъ.
- Къобан да къуру да къобханлай турмайды, адам да къуру да патчахлай турмайды.
- Акъыллы башны – тили къысха.
- Соргъан айыб тюлдю, билмеген айыбды.
- Сютню башын джалагъан къутулур, тюбюн ичген тутулур.
- Кийимни бир кюнню аясанг, минг кюннге джарар.
- Джангыз торгъай джырламаз.
- Таукел адам тау тешер.
- Ёнгкюч къууана барыр, джылай келир.
- Сагъыш – къартлыкъгъа сюйюмчю.
- Татлы сёз – балдан татлы.
- Ачны эсинде – аш.
- Таш ата билмеген, башына урур.
- Ата Джуртун танымагъан, атасын да танымаз.
- Адамны артындан къара сабан сюрме.
- Кёпюр салгъан кеси ётер, уру къазгъан кеси кетер.
- Чакъырылмай келген къонакъ сыйланмай кетер.
- Адеб джокъда, намыс джокъ.
- Джахил болса анасы, не билликди баласы?
- Чомартха Тейри да борчлуду.
- Ёзденликни кёбю ётюрюк.
- Узун джолну барсанг, бюгюн келирсе, къысха джолну барсанг, тамбла келирсе.
- Элни кючю – эмеген.
- Юреннген ауруу къалмаз.
- Къарт болгъан джерде, берекет болур, сабий болгъан джерде, оюн болур.
- Урунуу – насыбны анасы.
- Башы джабылгъан челекге, кир тюшмез.
- Къошда джокъгъа – юлюш джокъ.
- Кечеси – аяз, кюню – къыш, джарлы къаргъагъа бир аш тюш!
- Хаухну атма, ёнгкючню сатма.
- Иги адамны бир сёзю эки болмаз.
- Таякъ этден ётер, тил сюекден ётер.
- Джаз бир кюнню джатсанг, къыш талай кюнню абынырса.
- Ариу – кёзге, акъыл – джюрекге.
- Акъылсызны джууукъгъа алма, акъыллыны кенгнге салма.
- Джюрекге ариу – кёзге да ариу.
- Аууздан келген, къолдан келсе, ким да патчах болур эди.
- Ёпкелегенни ашы татлы болады.
- Ашыкъгъанны этеги бутуна чырмалыр.
- Адамны сабийин сюйген джюреги, бычакъча, джитиди.
- Ёгюзню мюйюзлери ауурлукъ этмейдиле.
- Ишни ахырын ойламай, аллын башлама.
- Башы ишлегенни, ауузу да ишлер.
- Аман хансны – урлугъу кёб.
- Эл бла кёргенинг эрелей.
- Хоншуну тауугъу къаз кёрюнюр, келини къыз кёрюнюр.
- Кюлме джашха – келир башха.
- Тау башында, тау болмаз, джангыз терек, бау болмаз.
- Юй ишлеген балта эшикде къалыр.
- Аман киши кеси юйюнде – къонакъ.
Внимание!
Чат доступен только авторизованным пользователям.