Расширенный поиск
3 Ноября 2025 года
Логин: Регистрация
Пароль: Забыли пароль?
Навигация
Словарь
  • Адам туугъан джеринде, ит тойгъан джеринде.
  • Окъуусуз билим – джокъ, билимсиз кюнюнг – джокъ.
  • Ёпкелегенни ашы татлы болады.
  • Иги джашны ышаны – аз сёлешиб, кёб тынгылар.
  • Нёгерсизни джолу узун.
  • Билимсиз иш бармаз.
  • Айран тёгюлсе, джугъусу къалыр.
  • Атынг аманнга чыкъгъандан эсе, джанынг тамагъынгдан чыкъсын.
  • Эри аманны, къатыны – аман.
  • Берекет берсин деген джерде, берекет болур.
  • Ишни аллы бла къууанма да, арты бла къууан.
  • Билгенни къолу къарны джандырыр.
  • Билим ат болуб да чабар, къуш болуб да учар.
  • Джыгъылгъанны сырты джерден тоймаз.
  • Къоркъакъны кёзю экили кёрюр.
  • Окъ къызбайны джокълайды.
  • Аш кетер да бет къалыр.
  • Къарнынг бла ёч алма.
  • Адамны джюреги нени кёрюрге сюйсе, кёзю да аны кёрюрге ёч болады.
  • Иги болса, тамадама – махтау, аман болса, меннге – айыб.
  • Аякъларынгы джууургъанынга кёре узат.
  • Таукел тауну аудурур.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Билмейме деген – бир сёз
  • Намыс сатылыб алынмайды.
  • Кюл тюбюндеги от кёрюнмейди.
  • Окъугъан – асыу, окъумагъан – джарсыу.
  • Тешик этген тынчды, аны джамагъан къыйынды.
  • Аллахха ийнаннган кишини, Аллах онгдурур ишин.
  • Ачылгъан эт джабылыр, кёрген кёз унутмаз.
  • Джырына кёре эжиую.
  • Ётген ёмюр – акъгъан суу.
  • Тенгни тенглиги джашай барсанг билинир.
  • Тойгъан джерден туугъан джер игиди.
  • Тюзлюк шохлукъну бегитир.
  • Бети бедерден, намыс сакълама.
  • Эринчекни аурууу – кёб.
  • Элиб деген, элге болушур.
  • Ишин билген, аны сыйын чыгъарады.
  • Ёлген ийнек сютлю болур.
  • Тюзлюк тас болмайды.
  • Келинин тута билмеген, къул этер, къызын тута билмеген, тул этер.
  • Къонагъынгы артмагъын алма да, алгъышын ал.
  • Джыланны къуйругъундан басарынг келсе, аны башы болгъанын унутма.
  • Агъач халкъгъа алтынды, иссиликге салкъынды.
  • Сабийликде юретмесенг, уллу болса – тюзелмез.
  • Къазанчы аман болса, къазаны къайнамаз.
  • Кёлсюзден сёзсюз тууар.
  • Бозанг болмагъан джерге, къалагъынгы сукъма.
  • Джарлы эскисин джамаса, къууаныр.

Видеогалерея

Новое

Последнее просмотренное

Популярное

Радио Барс Эль

Будь на правильной волне!

Перейти

Последние комментарии