Расширенный поиск
6 Ноября 2025 года
Логин: Регистрация
Пароль: Забыли пароль?
Навигация
Словарь
  • Эки къатын алгъан – эки ташны ортасына башын салгъан.
  • Игилик игилик бла сингдирилиучю затды.
  • Къартха ушагъан джаш – акъыллы, джашха ушагъан къарт – тели.
  • Булут кёкге джарашыу, уят бетге джарашыу.
  • Ач уят къоймаз.
  • Эринчекни аурууу – кёб.
  • Эринчекге кюн узун.
  • Агъач халкъгъа алтынды, иссиликге салкъынды.
  • Этни да ашады, бетни да ашады.
  • Джюрекден джюрекге джол барды.
  • Къарнынг бла ёч алма.
  • Джылыгъа джылан илешир.
  • Джарлы джети элни сёзюн этер.
  • Сормай – алма, чакъырылмай – барма.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Къоркъакъны кёзю экили кёрюр.
  • Тура эдим джата, къайдан чыкъды хата?
  • Ишни аллы бла къууанма да, арты бла къууан.
  • Эл ауузу – элия.
  • Окъуусуз билим – джокъ, билимсиз кюнюнг – джокъ.
  • Экеулен сёлеше тура эселе, орталарына барыб кирме.
  • Берекет берсин деген джерде, берекет болур.
  • Айранны сюйген, ийнек тутар.
  • Ашхы сёз таш тешер.
  • Уясында не кёрсе, учханында аны этер.
  • Джаш къарыу бла кючлю, къарт акъыл бла кючлю.
  • Гырджын – тепсини тамадасы.
  • Ёнгкюч къууана барыр, джылай келир.
  • Ариу – кёзге, акъыл – джюрекге.
  • Кёкдеги болмаса, джердегин кёрмейди.
  • Итли къонакъ джарашмаз.
  • Ашхы атаны – джашы ашхы, ашхы ананы – къызы ашхы.
  • Джюрекге ариу – кёзге да ариу.
  • Аш кетер да бет къалыр.
  • Уллу суу бла уллу ауруудан башынгы сакъла.
  • Башсыз урчукъ тюзюне айланмаз.
  • Чыбыкълыкъда бюгюлмеген, къазыкълыкъда бюгюлмей эди.
  • Тешик этген тынчды, аны джамагъан къыйынды.
  • Битмегеннге сакъал – танг.
  • Адамны сыфатына къарама, сёзюне къара.
  • Адамны аты башхача, акъылы да башхады.
  • Къарнынг ауруса, ауузунгу тый
  • Ашда – бёрю, ишде – ёлю.
  • Ашаса, ашамаса да, бёрюню ауузу – къан.
  • Адеб базарда сатылмаз.
  • Кюн кёрмеген, кюн кёрсе, кюндюз чыракъ джандырыр.
  • Бастасын ашагъан, хантусун да ичер.
  • Эркиши – от, тиширыу – суу.
  • Джаш болсун, къыз болсун, акъылы, саны тюз болсун.
  • Кюлме джашха – келир башха.

Видеогалерея

Новое

Последнее просмотренное

Популярное

Радио Барс Эль

Будь на правильной волне!

Перейти

Последние комментарии