Расширенный поиск
6 Ноября 2025 года
Логин: Регистрация
Пароль: Забыли пароль?
Навигация
Словарь
  • Къыз келсе, джумуш эте келеди, къатын келсе, ушакъ эте келеди.
  • Урунуу – насыбны анасы.
  • Аууз сакълагъан – джан сакълар.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Акъыллы – эл иеси, тели – эл баласы.
  • Къуллукъчума, деб махтанма, къуллукъ – хаух джамчыды!
  • Бет бетге къараса, бет да джерге къарар.
  • Ауузу бла къуш тута айланады.
  • Мураты болгъанны джюрек тебюую башхады.
  • Сескекли кесин билдирир.
  • Алгъанда – джууукъ, бергенде – джау.
  • Сёз къанатсыз учар.
  • Сабий кёргенин унутмаз.
  • Иги адамны бир сёзю эки болмаз.
  • Тойчу джашха къарама, къойчу джашха къара.
  • Ашхы тенг джолгъа салыр, аман тенг джолдан тайдырыр.
  • Тюзню ётмеги тюзде къалса да, тас болмаз.
  • Ашхы адам – халкъ байлыгъы, ашхы джер – джашау байлыгъы.
  • Къызны минг тилер, бир алыр.
  • Кёб ант этген, кёб ётюрюк айтыр.
  • Бир онгсуз адам адет чыгъарды, деб эштирик тюлсе.
  • Чакъырылмагъан къонакъ тёрге атламаз.
  • Таш ата билмеген, башына урур.
  • Чомартны къолун джокълукъ байлар.
  • Джыланны къуйругъундан басарынг келсе, аны башы болгъанын унутма.
  • Къонакъ аман болса, къонакъбай джунчур
  • Ашатыргъа иш – ашхы, ишлетирге аш – ашхы.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Ана къойну – балагъа джандет.
  • Элге къуллукъ этмеген, элге ие болмаз.
  • Танг атмайма десе да, кюн къоярыкъ тюйюлдю.
  • Биреуню тёрюнден, кесинги эшик артынг игиди.
  • Адам боллукъ, атламындан белгили болур.
  • Къанны къан бла джуума, аманны аман бла къуума.
  • Айран тёгюлсе, джугъусу къалыр.
  • Акъыл къартда, джашда тюйюлдю – башдады.
  • Джюрек кёзден алгъа кёрюр.
  • Джылыгъа джылан илешир.
  • Чабар ат – джетген къыз.
  • Эркишиге тары кебек танг кёрюнюр.
  • Кёб джашагъан – кёб билир.
  • Эртде тургъан бла эртде юйленнген сокъуранмаз.
  • Эки итни арасына сюек атма, эки адамны арасында сёз чыгъарма.
  • Окъ къызбайны джокълайды.
  • Акъыл аздырмаз, билим тоздурмаз.
  • Джылкъыдан – ат чыгъар, тукъумдан – джаш чыгъар.
  • Ишин билген, аны сыйын чыгъарады.
  • Нарт сёз къарт болмаз.
  • Билимли ёлмез, билимсиз кёрмез.
  • Арбаз сайлама да, хоншу сайла.

Видеогалерея

Новое

Последнее просмотренное

Популярное

Радио Барс Эль

Будь на правильной волне!

Перейти

Последние комментарии