Песен: 8 Создан:
06.05.2015 Обновлен:
05.11.2015
| 18 Мая | 2024 года |
Навигация
- Къарнынг къанлынга кийирир.
- Билмегенинги, билгеннге сор.
- Келинни – келгинчи, бёркню кийгинчи кёр.
- Кёпюр салгъан кеси ётер, уру къазгъан кеси кетер.
- Телини эшигин, махтау джабар.
- Ат да турмайды бир териде.
- Мени джылытмагъан кюн, меннге тиймесин!
- Акъыл бла адеб эгизледиле.
- Рысхы – сют юсюнде кёмюк кибикди.
- Къазанны башы ачыкъ болса, итге уят керекди.
- Ханнга да келеди хариблик.
- Сёлеш деб шай берген, тохта деб, сом берген.
- Ариу сёз джыланны орнундан чыгъарыр.
- Чакъырылмай келген къонакъ сыйланмай кетер.
- Тёзгеннге, джабылгъан эшик ачылыр.
- Къууут – джелге, берне – бошха.
- Зар адам ашынгы ашар, кесинги сатар.
- Сёз – кюмюш, джыр – алтын.
- Нафысынгы айтханын этме, намысынгы айтханын эт.
- Тулпарлыкъ, билекден тюл – джюрекден.
- Иги адам абынса да, джангылмаз.
- Чакъырылмагъан къонакъ – орунсуз.
- Зар адамны насыбы болмаз.
- Окъуу – билимни ачхычы, окъуу – дунияны бачхычы.
- Хантына кёре тузу, юйюне кёре къызы.
- Халкъны джырын джырласанг, халкъ санга эжиу этер.
- Кеси юйюмде мен да ханма.
- Ёзденликни кёбю ётюрюк.
- Окъдан джара эртде-кеч болса да бителир, сёз джара, ёмюрге къалыр.
- Юреннген ауруу къалмаз.
- Айныгъанлы алты кюн, тогъайгъанлы тогъуз кюн.
- Аджашхан тёгерек айланыр.
- Арыгъан къош чамчы болур.
- Ариу сёзде ауруу джокъ.
- Айырылгъанланы айю ашар, бёлюннгенлени бёрю ашар.
- Магъанасыз сёз – тауушсуз сыбызгъы.
- Кийиминг бла танылма, адамлыкъ бла таныл.
- Татлы сёз – балдан татлы.
- Эли джокъну – кёлю джокъ.
- Игилик игилик бла сингдирилиучю затды.
- Хунаны тюбюн къазсанг, юсюнге ауар.
- Экиндини кеч къылсанг, чабыб джетер ашхам.
- Атадан ёксюз – бир ёксюз, анадан ёксюз – эки ёксюз.
- Сормай – алма, чакъырылмай – барма.
- Эм уллу байлыкъ – джан саулукъ.
- Къошда джокъгъа – юлюш джокъ.
- Чакъырылгъанны аты, чакъырылмагъанны багъасы болур.
- Огъурлуну сёзю – суу, огъурсузну сёзю – уу.
- Харам къарнашдан, халал тенг ашхы.
- Тилчи тилден къаныкъмаз.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
