Песен: 5 Создан:
06.05.2015 Обновлен:
29.01.2018
| 2 Июня | 2024 года |
Навигация
- Джахил болса анасы, не билликди баласы?
- Бозаны арты дауур болур.
- Керек ташны ауурлугъу джокъ.
- Тойчу джашха къарама, къойчу джашха къара.
- Сакъ юйюне сау барыр.
- Адеб базарда сатылмаз.
- Чакъырылмагъан къонакъ тёрге атламаз.
- Экеу тутушса, биреу джыгъылыр.
- Ёгюзню мюйюзлери ауурлукъ этмейдиле.
- Сууда джау джокъ, кёб сёзде магъана джокъ.
- Къан бла кирген, джан бла чыгъар.
- Эки къатын алгъанны къулагъы тынгнгаймаз.
- Къартха ушагъан джаш – акъыллы, джашха ушагъан къарт – тели.
- Адам боллукъ, атламындан белгили болур.
- Бети – къучакълар, джюреги – бычакълар.
- Кирсизни – саны таза, халалны – къаны таза.
- Аманны тукъумуна къарама, игини тукъумун сорма.
- Кюл тюбюндеги от кёрюнмейди.
- Аууз сакълагъан – джан сакълар.
- Элиб деген, элге болушур.
- Джол бла сёзню къыйыры джокъ.
- Гугук кесини атын айтыб къычыргъанча, мен, мен деб нек тураса?
- Аш берме да, къаш бер.
- Къыз чыгъаргъан – къызыл къымжа.
- Хантына кёре тузу, юйюне кёре къызы.
- Чакъырылмагъан къонакъ къачан кетерин сормаз.
- Тешигини къатында, чычхан да батыр болур.
- Къар – келтирди, суу – элтди.
- Соргъан айыб тюлдю, билмеген айыбды.
- Сютню башын джалагъан къутулур, тюбюн ичген тутулур.
- Къарнынг къанлынга кийирир.
- Ана кёлю – балада, бала кёлю – талада.
- Айтхан – тынч, этген – къыйын.
- Мал тутхан – май джалар.
- Аман киши кеси юйюнде – къонакъ.
- Ата Джуртуму башы болмасам да, босагъасында ташы болайым.
- Ариу – кёзге, акъыл – джюрекге.
- Тенгинг джокъ эсе – изле, бар эсе – сакъла!
- Гырджын – тепсини тамадасы.
- Ашын ашагъанынгы, башын да сыйла.
- Этим кетсе да, сюегим къалыр.
- Байма, деб да, къууанма, джарлыма, деб да, джылама.
- Ойнай билмеген, оюн бузар.
- Окъугъан озар, окъумагъан тозар.
- Ач къарным, тынч къулагъым.
- Сабийликде юретмесенг, уллу болса – тюзелмез.
- Алим болгъандан эсе, адам болгъан къыйынды.
- Окъуусуз билим – джокъ, билимсиз кюнюнг – джокъ.
- Айтылгъан буйрукъ, сёгюлмез
- Джарлы эскисин джамаса, къууаныр.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
