Аудио :: Аудио:: Багдади Сухель

Татлы сёз – балдан татлы.
Кёбден умут этиб, аздан къуру къалма.
Кёл ашады да, кеси ашады.
Кенгеш болса, уруш болмаз.
Кёб ант этген, кёб ётюрюк айтыр.
Ана кёлю – балада, бала кёлю – талада.
Уллу къазанда бишген эт, чий къалмаз.
Атлыны ашхысы, ат тизгининден билинир
Адебни адебсизден юрен.
Джырына кёре эжиую.
Аууздан келген, къолдан келсе, ким да патчах болур эди.
Таш ата билмеген, башына урур.
Ариу сёз аурууунгу алыр.
Эки итни арасына сюек атма, эки адамны арасында сёз чыгъарма.
Джол бла сёзню къыйыры джокъ.
Ичимден чыкъды хата, къайры барайым сата?
Чёбню кёлтюрсенг, тюбюнден сёз чыгъар.
Сагъышы джокъ – джукъучу, акъылы джокъ – къаугъачы.
Намыс сатылыб алынмайды.
Тыш элде солтан болгъандан эсе, кесинги элде олтан болгъан игиди!
Хантына кёре тузу, юйюне кёре къызы.
Арба аугъандан сора, джол кёргюзтюучю кёб болур.
Къатыны харакетли болса, эри къымсыз болур.
Тилсиз миллет джокъ болур.
Агъач халкъгъа алтынды, иссиликге салкъынды.
Джашынгы кесинг юретмесенг, джашау юретир.
Аз сёлешген, къайгъысыз турур.
Алма терегинден кери кетмез.
Къыз чыгъаргъан – къызыл къымжа.
Сагъыш – къартлыкъгъа сюйюмчю.
Хар адамгъа кеси миннген тау кибик.
Тау башында, тау болмаз, джангыз терек, бау болмаз.
Джылыгъа джылан илешир.
Ханнга да келеди хариблик.
Ёгюзню мюйюзлери ауурлукъ этмейдиле.
Тойгъан антын унутур.
Рысхы – сют юсюнде кёмюк кибикди.
Ишлегенден, къарагъан уста.
Эртде тургъан бла эртде юйленнген сокъуранмаз.
Юйюнг бла джау болгъандан эсе, элинг бла джау бол.
Аш хазыр болса, иш харам болур.
Айтылгъан сёз ызына къайтмаз.
Джогъун бар этген, барын бал этген.
Чакъырылмагъан къонакъ къачан кетерин сормаз.
Юре билмеген ит, къонакъ келтирир.
Ойнай билмеген, уруб къачар.
Къарны аманнга къазан такъдырма, къолу аманнга от джакъдырма.
Тай асырагъан, атха минер.
Иги – алгъыш этер, аман – къаргъыш этер.
Эл бла кёргенинг эрелей.

Логин:	Регистрация

Пароль:	Забыли пароль?

Запомнить меня

Аудио

Багдади Сухель

Скачать

Адрес