Аудио :: Аудио:: Байкулов Солтан

Джаным-тиним – окъуу, билим.
Бир онгсуз адам адет чыгъарды, деб эштирик тюлсе.
Арбаз сайлама да, хоншу сайла.
Ургъан суудан башынгы сакъла.
Рысхы – насыбха къор.
Чыбыкълыкъда бюгюлмеген, къазыкълыкъда бюгюлмей эди.
Юй ишлеген балта эшикде къалыр.
Къоркъакъны кёзю экили кёрюр.
Иги болса, тамадама – махтау, аман болса, меннге – айыб.
Джарашыу сюйген – джалынчакъ.
Адамны сабийин сюйген джюреги, бычакъча, джитиди.
Элни кючю – эмеген.
Эшекни не къадар тюйсенг да, ат болмаз.
Билимли ёлмез, билимсиз кёрмез.
Сакъ юйюне сау барыр.
Намыс болмагъан джерде, насыб болмаз.
Ишлегенде эринме, ишде чолакъ кёрюнме.
Къуллукъчума, деб махтанма, къуллукъ – хаух джамчыды!
Ашда уялгъан – мухар, ишде уялгъан – хомух.
Иги сёз – джаннга азыкъ, аман сёз башха – къазыкъ.
Биреуге аманлыкъны тилеме да, кесинге ашхылыкъны тиле.
Адамны сыфатына къарама, сёзюне къара.
Джан саулукъ бермей, сан саулукъ бермезсе.
Келгинчи, къонакъ уялыр, келгенден сора, къонакъбай уялыр.
Айранын берсенг, челегин да къызгъанма.
Биреуге кёлтюрген таягъынг, кесинги башынга урур.
Къыз келсе, джумуш эте келеди, къатын келсе, ушакъ эте келеди.
Джумушакъ терекни къурт ашар.
Тойгъан джерден туугъан джер игиди.
Байлыкъдан саулукъ ашхыды.
Ачлыкъда тары гырджын халыуадан татлы.
Эки къатын алгъанны къулагъы тынгнгаймаз.
Чомарт къонакъ юй иесин сыйлар.
Уясында не кёрсе, учханында аны этер.
Агъач халкъгъа алтынды, иссиликге салкъынды.
Къарын къуру болса, джюрек уру болур.
Келинни – келгинчи, бёркню кийгинчи кёр.
Таякъ этден ётер, тил сюекден ётер.
Ушамагъан – джукъмаз.
Адамны аты башхача, акъылы да башхады.
Къыйынлы джети элни къайгъысын этер.
Къартха ушагъан джаш – акъыллы, джашха ушагъан къарт – тели.
Тешик этген тынчды, аны джамагъан къыйынды.
Босагъа таш юйге кирмей эди, тыбыр таш эшикге чыкъмай эди.
Сёз садакъдан кючлюдю.
Намыс сатылыб алынмайды.
Джангыз терек къынгыр ёсер.
Сёз къанатсыз учар.
Бети бедерден, намыс сакълама.
Намысы джокъну – дуниясы джокъ.

Логин:	Регистрация

Пароль:	Забыли пароль?

Запомнить меня

Аудио

Байкулов Солтан

Скачать

Адрес