Аудио :: Аудио:: Гергокаева Халимат

Тас болгъан бычакъны сабы – алтын.
Байлыкъ тауусулур, билим тауусулмаз.
Хансыз джомакъ болмаз.
Адам боллукъ, атламындан белгили болур.
Ойнай билмеген, оюн бузар.
Ёлген аслан – сау чычхан.
Билимли ёлмез, билимсиз кёрмез.
Ёгюзню мюйюзлери ауурлукъ этмейдиле.
Намысы болмагъанны, сыйы болмаз.
Тёгюлген тюгел джыйылмайды.
Аджалсыз ёлюм болмаз.
Ёпкелегенни ашы татлы болады.
Экеулен сёлеше тура эселе, орталарына барыб кирме.
Адамны адамлыгъы къыйынлыкъда айгъакъланады.
Акъыл аздырмаз, билим тоздурмаз.
Ариу сёз – къылычдан джити.
Аманны къуугъан, аманлыкъ табар.
Айныгъанлы алты кюн, тогъайгъанлы тогъуз кюн.
Къоркъакъны кёзю экили кёрюр.
Эр сокъур болсун, къатын тилсиз болсун.
Сескекли кесин билдирир.
Ариу сёзде ауруу джокъ.
Къонакъны къачан кетерин сорма, къачан келлигин сор.
Босагъа таш юйге кирмей эди, тыбыр таш эшикге чыкъмай эди.
Чабакъсыз кёлге къармакъ салгъанлыкъгъа, чабакъ тутмазса.
Дуния малгъа сатылма, кесингден телиге къатылма.
Ичимден чыкъды хата, къайры барайым сата?
Ашын ашагъанынгы, башын да сыйла.
Джыйырма къойну юч джыйырма эбзе кюте эди.
Акъыл бла адеб эгизледиле.
Босагъагъа джууукъ орун болса, ашыгъыб тёрге озма.
Баланы адам этген анады.
Суу ичген шауданынга тюкюрме.
Таш ата билмеген, башына урур.
Ойнай билмеген, уруб къачар.
Къошда джокъгъа – юлюш джокъ.
Чакъырылгъанны аты, чакъырылмагъанны багъасы болур.
Аман къатын алгъан, арыр, иги къатын алгъан джарыр.
Атадан ёксюз – бир ёксюз, анадан ёксюз – эки ёксюз.
Тенгинг джокъ эсе – изле, бар эсе – сакъла!
Арпа, будай – ащды, алтын, кюмюш а – ташды.
Аууз сакълагъан – джан сакълар.
Уллу суу бла уллу ауруудан башынгы сакъла.
Бетинги сатма, малынгы сат.
Къартны сыйын кёрмеген, къартлыгъында сыйлы болмаз.
Окъумагъан сокъурду, сокъур ташха абыныр!
Намыс сатылыб алынмайды.
Аджаллыгъа окъсуз шкок атылыр.
Тил – кесген бычакъ, сёз – атылгъан окъ.
Эркишини аманы тиширыуну джылатыр.

Логин:	Регистрация

Пароль:	Забыли пароль?

Запомнить меня

Аудио

Гергокаева Халимат

Скачать

Адрес