Аудио :: Аудио:: Катчиев Руслан

Акъыл бла адеб эгизледиле.
Джумушакъ терекни къурт ашар.
Ойнаб айтсанг да, эслеб айт.
Аман эсирсе, юйюн ояр.
Ёлмесенг да, къарт дамы болмазса?
Къобан да къуру да къобханлай турмайды, адам да къуру да патчахлай турмайды.
Бир онгсуз адам адет чыгъарды, деб эштирик тюлсе.
Ёнгкюч къууана барыр, джылай келир.
Биреуге кёлтюрген таягъынг, кесинги башынга урур.
Биреуню къыйынлыгъы бла кесинге джол ишлеме.
Окъугъанны бети джарыкъ.
Татлы сёз – балдан татлы.
Эркиши – от, тиширыу – суу.
Сормай – алма, чакъырылмай – барма.
Дуния малгъа сатылма, кесингден телиге къатылма.
Ашаса, ашамаса да, бёрюню ауузу – къан.
Джаз бир кюнню джатсанг, къыш талай кюнню абынырса.
Адамгъа аман кюн соруб келмейди.
Ашхы – джыяр, аман – джояр.
Ёлген аслан – сау чычхан.
Окъ къызбайны джокълайды.
Биреуню тёрюнден, кесинги эшик артынг игиди.
Мал кёб болса, джууукъ кёб болур.
Джыйырма къойну юч джыйырма эбзе кюте эди.
Билим къая тешер.
Ашлыкъны арба юйге келтирир, чана базаргъа элтир.
Абынмазлыкъ аякъ джокъ, джангылмазлыкъ джаякъ джокъ.
Къатыны харакетли болса, эри къымсыз болур.
Сёз – кюмюш, джыр – алтын.
Къарнынг бла ёч алма.
Ишин билген, аны сыйын чыгъарады.
Уруну арты – къуру.
Намыс болмагъан джерде, насыб болмаз.
Экеулен сёлеше тура эселе, орталарына барыб кирме.
Аш берме да, къаш бер.
Тилчиден кери бол.
Адамны сыфатына къарама, сёзюне къара.
Адам бла мюлк юлешмеген эсенг, ол адамны билиб бошагъанма, деб кесинги алдама.
Адеб базарда сатылмаз.
Къанны къан бла джуума, аманны аман бла къуума.
Чомарт джарлы болмаз.
Окъугъан озар, окъумагъан тозар.
Биреу къой излей, биреу той излей.
Бир абыннган – минг сюрюнюр.
Рысхы – насыбха къор.
Иги джашны ышаны – аз сёлешиб, кёб тынгылар.
Чомарт къолда мал къалмаз.
Олтуруб кёрюнмей эди да, ёрге туруб кёрюне эди.
Тамчы таш тешер.
Ана – юйню кюн джарыгъы.

Логин:	Регистрация

Пароль:	Забыли пароль?

Запомнить меня

Аудио

Катчиев Руслан

Скачать

Адрес