Аудио :: Аудио:: Гаев Тахир

Мал кёб болса, джууукъ кёб болур.
Тили узунну, намысы – къысха.
От этилмеген джерден тютюн чыкъмайды.
Адамны сабийин сюйген джюреги, бычакъча, джитиди.
Тели турса – той бузар.
Эртде тургъан бла эртде юйленнген сокъуранмаз.
Иги адам абынса да, джангылмаз.
Агъач халкъгъа алтынды, иссиликге салкъынды.
Тин – байлыгъынг, терен саулугъунг.
Джарлы тюеге минсе да, ит къабар.
Ачылгъан эт джабылыр, кёрген кёз унутмаз.
Кёзден кетген, кёлден да кетеди.
Аурууну келиую тынч, кетиую – къыйын.
Ач да бол, токъ да бол – намысынга бек бол.
Малны кют, джерни тюрт.
Ётюрюк хапар аякъ тюбю бла джюрюйдю.
Нарт сёз къарт болмаз.
Къонагъы джокъну – шоху джокъ.
Билим – акъылны чырагъы.
Джол бла сёзню къыйыры джокъ.
Ишин билген, аны сыйын чыгъарады.
Эртде тургъан джылкъычыны эркек аты тай табар.
Ишлемеген – тишлемез.
Сабий болмагъан джерде, мёлек болмаз.
Ёксюзню тилеги къабыл болур.
Джырына кёре эжиую.
Ашыкъгъанны этеги бутуна чырмалыр.
Соргъан айыб тюлдю, билмеген айыбды.
Тай асырагъан, атха минер.
Билим насыб берир, билим джолну керир.
Ургъан суудан башынгы сакъла.
Ач – эснер, ат – кишнер.
Къонакъ аз олтурур, кёб сынар.
Эшекге миннген – биринчи айыб, андан джыгъылгъан – экинчи айыб.
Элге къуллукъ этмеген, элге ие болмаз.
Тамбла алтындан бюгюн багъыр ашхы.
Адамны адамлыгъы къыйынлыкъда айгъакъланады.
Чабакъсыз кёлге къармакъ салгъанлыкъгъа, чабакъ тутмазса.
Насыблы элин сюер, насыбсыз кесин сюер.
Окъугъан – асыу, окъумагъан – джарсыу.
Игини сыйлагъан адетди.
Тёзгеннге, джабылгъан эшик ачылыр.
Бети – къучакълар, джюреги – бычакълар.
Ашха уста, юйюнде болсун
Бети къызарыучу адамны, джюреги харам болмаз.
Къарнынг тойгъунчу аша да, белинг талгъынчы ишле.
Къарны аманнга къазан такъдырма, къолу аманнга от джакъдырма.
Сёз къанатсыз учар.
Дуния аламаты сен эсенг да, игиме деб айтма.
Эл ауузу – элек, анга ийнаннган – халек.

Логин:	Регистрация

Пароль:	Забыли пароль?

Запомнить меня

Аудио

Гаев Тахир

Скачать

Адрес