Песен: 14 Создан:
06.05.2015 Обновлен:
27.11.2017
| 18 Мая | 2024 года |
Навигация
- Кесине оноу эте билмеген, халкъына да эте билмез.
- Ётюрюкчюню шагъаты – къатында.
- Малны кют, джерни тюрт.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ач да бол, токъ да бол – намысынга бек бол.
- Гугук кесини атын айтыб къычыргъанча, мен, мен деб нек тураса?
- Мураты болгъанны джюрек тебюую башхады.
- Мал ёлсе, сюек къалыр, адам ёлсе, иши къалыр.
- Борчунг бар эсе, хурджунунга ойлаб узал.
- Окъуусуз билим – джокъ, билимсиз кюнюнг – джокъ.
- Адам къаллай бир ишленмесе, аллай бир кесин уллу кёреди.
- Нёгер болсанг, тенг бол, тенг болмасанг, кенг бол.
- Биреуню къыйынлыгъы бла кесинге джол ишлеме.
- Тёрени джагъы джокъ.
- Билмегенинги, билгеннге сор.
- Айран ичген – къутулду, джугъусун джалагъан – тутулду.
- Эки элинги тыйсанг, джети элде махталырса.
- Джумушакъ терекни къурт ашар.
- Уллу сёлешме да, уллу къаб.
- Ишлерге уял да, ашаргъа табма.
- Эте билген, этген этеди, эте билмеген, юретген этеди!
- Къалгъан ишге къар джауар.
- Окъугъан – асыу, окъумагъан – джарсыу.
- Джуртун къоругъан озар.
- Ханнга да келеди хариблик.
- Билим ат болуб да чабар, къуш болуб да учар.
- Ачыу алгъа келсе, акъыл артха къалады.
- Кийимни бир кюнню аясанг, минг кюннге джарар.
- Гырджын – тепсини тамадасы.
- Ач уят къоймаз.
- Этим кетсе да, сюегим къалыр.
- Тилсиз миллет джокъ болур.
- Иги адам абынса да, джангылмаз.
- Аджаллыгъа окъсуз шкок атылыр.
- Танг атмайма десе да, кюн къоярыкъ тюйюлдю.
- Ариу – кёзге, акъыл – джюрекге.
- Къулакъдан эсе, кёзге ышан.
- Аманнга игилик этсенг, юйюнге сау бармазса.
- Ёнгкюч къууана барыр, джылай келир.
- Джыланны къуйругъундан басарынг келсе, аны башы болгъанын унутма.
- Чомарт къонакъ юй иесин сыйлар.
- Босагъагъа джууукъ орун болса, ашыгъыб тёрге озма.
- Тойгъан антын унутур.
- Ата Джуртча джер болмаз, туугъан элча эл болмаз.
- Ойнай билмеген, уруб къачар.
- Келгинчи, къонакъ уялыр, келгенден сора, къонакъбай уялыр.
- Ханы къызы буюгъа-буюгъа киштик болду.
- Хансыз джомакъ болмаз.
- Акъыл къартда, джашда тюйюлдю – башдады.
- Окъуу – билимни ачхычы, окъуу – дунияны бачхычы.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
