Песен: 17 Создан:
06.05.2015 Обновлен:
06.05.2015
| 2 Июня | 2024 года |
Навигация
- Къая джолда джортма, ачыкъ сёзден къоркъма.
- Биреуге кёлтюрген таягъынг, кесинги башынга урур.
- Башы джабылгъан челекге, кир тюшмез.
- Сёлеш деб шай берген, тохта деб, сом берген.
- Кёзю сокъурдан – къоркъма, кёлю сокъурдан – къоркъ.
- Айтылгъан сёз ызына къайтмаз.
- Джолда аягъынга сакъ бол, ушакъда тилинге сакъ бол.
- Джыланны къуйругъундан басарынг келсе, аны башы болгъанын унутма.
- Гугук кесини атын айтыб къычыргъанча, мен, мен деб нек тураса?
- Ашхы болсанг, атынг чыгъар, аман болсанг, джанынг чыгъар.
- Татлы сёз – балдан татлы.
- Адам сёзге тынгыла, акъыл сёзню ангыла.
- Къонакъ хазыр болгъанлыкъгъа, къонакъбай хазыр тюлдю.
- Нёгер болсанг, тенг бол, тенг болмасанг, кенг бол.
- Адамны джюреги нени кёрюрге сюйсе, кёзю да аны кёрюрге ёч болады.
- Чомарт къонакъ юй иесин сыйлар.
- Харам къарнашдан, халал тенг ашхы.
- Уллу къашыкъ эрин джыртар.
- «Ма», - дегенни билмесенг, «бер», - дегенни билмезсе.
- Чёбню кёлтюрсенг, тюбюнден сёз чыгъар.
- Аманнга игилик этсенг, юйюнге сау бармазса.
- Мураты болгъанны джюрек тебюую башхады.
- Джеринден айырылгъан – джети джылар, джуртундан айырылгъан – ёлгюнчю джылар.
- Тай асырагъан, атха минер.
- Игиге айтсанг – билир, аманнга айтсанг – кюлюр.
- Мал ёлсе, сюек къалыр, адам ёлсе, иши къалыр.
- Бюгюн дуния кибик, тамбла ахыратды.
- Юйлю уругъа ит чабмаз.
- Ашыкъгъанны этеги бутуна чырмалыр.
- Сабий кёргенин унутмаз.
- Чыкълы кюнде чыкъмагъан, чыкъса къуру кирмеген.
- Халкъгъа джарагъан, джарлы къалмаз.
- Ач къарынны, токъ билмез
- Къарны аманнга къазан такъдырма, къолу аманнга от джакъдырма.
- Сакъ юйюне сау барыр.
- Бёрю да ач къалмасын, эчки да ашалмасын.
- Рысхысына кёре, джаш ёсер, къышлыгъына кёре, мал ёсер.
- Сормай – алма, чакъырылмай – барма.
- Тойну къарнашы – харс, джырны къарнашы – эжиу.
- Абынмазлыкъ аякъ джокъ, джангылмазлыкъ джаякъ джокъ.
- Бет бетге къараса, бет да джерге къарар.
- Ойнай-ойнай кёз чыгъар.
- Иги сеники эсе да, сюйген кесимикин этеме.
- Дженгил джетерикме деб, узун джолну къоюб, къысхасын барма.
- Ичимден чыкъды хата, къайры барайым сата?
- Къатын къылыкъсыз, эр тынчлыкъсыз.
- Къызбайны юйюне дери сюрсенг, батыр болур.
- Къайгъы тюбю – тенгиз.
- Баш – акъыл ючюн, акъылман – халкъ ючюн.
- Ашда – бёрю, ишде – ёлю.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
