Аудио :: Аудио:: Узденов Альберт

Джарлыны тону джаз битер.
Малны кют, джерни тюрт.
Кимни – тили, тиши онглу, кимни – къолу, иши онглу.
Кесинг сынамагъан затны, адамгъа буюрма.
Дуния малгъа сатылма, кесингден телиге къатылма.
Аджашханны ызындагъы кёреди, джангылгъанны джанындагъы биледи.
Орну джокъну – сыйы джокъ.
Къызны минг тилер, бир алыр.
Тамырсыз терекге таянма – джыгъылырса.
Башы джабылгъан челекге, кир тюшмез.
Сёз – кюмюш, джыр – алтын.
Эртде тургъан джылкъычыны эркек аты тай табар.
Сёз къанатсыз учар.
Акъыллы эркиши атын махтар, акъылсыз эркиши къатынын махтар.
Хазыр ашха – терен къашыкъ.
Телини эшигин, махтау джабар.
Ашхы адам – халкъ байлыгъы, ашхы джер – джашау байлыгъы.
Эллинг бла джау болсанг да, юйюнг бла джау болма.
Тау башында, тау болмаз, джангыз терек, бау болмаз.
Элде адам къалмаса, ит тахтагъа минер.
Иги болса, тамадама – махтау, аман болса, меннге – айыб.
Душманны тышы – акъ, ичи – къара.
Мал ёлсе, сюек къалыр, адам ёлсе, иши къалыр.
Джылкъыдан – ат чыгъар, тукъумдан – джаш чыгъар.
Сёз садакъдан кючлюдю.
Ашхы тенг джолгъа салыр, аман тенг джолдан тайдырыр.
Кёзюнде тереги болгъан, чёбю болгъаннга кюле эди.
Джылар джаш, атасыны сакъалы бла ойнар.
Тюкюрюк баш джармаз, налат кёз чыгъармаз!
Этек чакъмакълары баш джаргъан, сёлешген сёзлери таш джаргъан.
Тил джюрекге джол ишлейди.
Битмегеннге сакъал – танг.
Магъанасыз сёз – тауушсуз сыбызгъы.
Айранны сюйген, ийнек тутар.
Сютден ауузу кюйген, суугъа юфгюре эди.
Ишлегенде эринме, ишде чолакъ кёрюнме.
Чомартха хар кюн да байрамды.
Чомартны къолун джокълукъ байлар.
Кёбню кёрген – кёб билир.
Ашын ашагъанынгы, башын да сыйла.
Таш бла ургъанны, аш бла ур.
Абынмазлыкъ аякъ джокъ, джангылмазлыкъ джаякъ джокъ.
Джылыгъа джылан илешир.
Телиге акъыл салгъандан эсе, ёлгеннге джан салырса.
Къонагъынгы артмагъын алма да, алгъышын ал.
Баланы адам этген анады.
Керилген да, ургъан кибикди.
Суу ичген шауданынга тюкюрме.
Кюлме джашха – келир башха.
Чомарт къолда мал къалмаз.

Логин:	Регистрация

Пароль:	Забыли пароль?

Запомнить меня

Аудио

Узденов Альберт

Скачать

Адрес