Аудио :: Аудио:: Газаев Алим

Билмегенинги, билгеннге сор.
Кийимни бичсенг, кенг бич, тар этген къыйын тюлдю.
Ата – билек, ана – джюрек!
Намыс болмагъан джерде, насыб болмаз.
Къатын байлыкъны сюер, эр саулукъну сюер.
Билимден уллу байлыкъ джокъду.
Къыйынлы джети элни къайгъысын этер.
Къолу уллу – асыу, аягъы уллу – джарсыу.
Ана кёлю – балада, бала кёлю – талада.
Джашны джигитлиги сорулур, къызны джигерлиги сорулур.
Бичгенде ашыкъма, тикгенде ашыкъ.
Мал тутхан – май джалар.
Къаллай салам берсенг, аллай джууаб алырса.
Ишлемеген – тишлемез.
Эки къатын алгъанны къулагъы тынгнгаймаз.
Таула не мийик болсала да, аууш табылыр.
Тили узунну, намысы – къысха.
Ата Джуртун танымагъан, атасын да танымаз.
Нёгерсизни джолу узун.
Ашын ашагъанынгы, башын да сыйла.
Джаш къарыу бла кючлю, къарт акъыл бла кючлю.
Ишге юренсин къоллары, халкъ бла болсун джоллары.
Урунуу – насыбны анасы.
Аманны къуугъан, аманлыкъ табар.
Кесинг сынамагъан затны, адамгъа буюрма.
Ата – баланы уясы.
Ауругъан – джашаудан умутчу.
Кюлме джашха – келир башха.
Ашаса, ашамаса да, бёрюню ауузу – къан.
Сёз сёзню айтдырыр.
Юреннген ауруу къалмаз.
Адамны аты башхача, акъылы да башхады.
Тешигини къатында, чычхан да батыр болур.
Къуру гыбыт бек дыгъырдар.
Къоркъакъны кёзю экили кёрюр.
Къазанны башы ачыкъ болса, итге уят керекди.
Джыгъылгъанны сырты джерден тоймаз.
Джарлы джети элни сёзюн этер.
Джашлыкъ этмеген, башлыкъ этмез.
Окъ къызбайны джокълайды.
Аш кетер да бет къалыр.
Ёксюзню къалачы уллу кёрюнюр.
Ат да турмайды бир териде.
Сютден ауузу кюйген, суугъа юфгюре эди.
Къыз тиширыу кеси юйюнде да къонакъды.
Дууулдаса – бал чибин, къонса – къара чибин.
Кимни – тили, тиши онглу, кимни – къолу, иши онглу.
Ойнай билмеген, оюн бузар.
Кийимни бир кюнню аясанг, минг кюннге джарар.
Тил – миллетни джаны.

Логин:	Регистрация

Пароль:	Забыли пароль?

Запомнить меня

Аудио

Газаев Алим

Скачать

Адрес