Радио

Эки къатын алгъанны къулагъы тынгнгаймаз.
Аурууну келиую тынч, кетиую – къыйын.
Тёрде – темир таякълы, къаяда – чыпчыкъ аякълы.
Къыйынлы джети элни къайгъысын этер.
Мухарны эси – ашарыкъда.
Онгсузну – джакъла, тенгликни – сакъла.
Айырылмаз джууугъунга, унутмаз сёзню айтма.
Намыс сатылыб алынмайды.
Джаш къарыу бла кючлю, къарт акъыл бла кючлю.
Суу ичген шауданынга тюкюрме.
Келинин тута билмеген, къул этер, къызын тута билмеген, тул этер.
Къанны къан бла джуума, аманны аман бла къуума.
Адам бла мюлк юлешмеген эсенг, ол адамны билиб бошагъанма, деб кесинги алдама.
Чарсда алчыны эл кёреди.
Бозаны арты дауур болур.
Чакъырылмагъан къонакъ тёрге атламаз.
Босагъа таш юйге кирмей эди, тыбыр таш эшикге чыкъмай эди.
Адамгъа аман кюн соруб келмейди.
Джюрекге ариу – кёзге да ариу.
Окъумагъан сокъурду, сокъур ташха абыныр!
Суугъа – чабакъ, къаягъа – ыргъакъ.
Биреу къой излей, биреу той излей.
Арбаз къынгырды да, ийнек сауалмайма.
Таукел къуру къалмаз.
Келинни – келгинчи, бёркню кийгинчи кёр.
Джашынгы кесинг юретмесенг, джашау юретир.
Оюмсуз атлагъан, аджалсыз ёлюр.
Джарашыу сюйген – джалынчакъ.
Хансыз джомакъ болмаз.
Кёкдеги болмаса, джердегин кёрмейди.
Тынгылагъан тынгы бузар.
Къыз тиширыу кеси юйюнде да къонакъды.
Ашда – бёрю, ишде – ёлю.
Этни бети бла шорпасы.
Сууда джау джокъ, кёб сёзде магъана джокъ.
Къолунгдан къуймакъ ашатсанг да, атаны борчундан къутулмазса.
Чомартны къолун джокълукъ байлар.
Дуния аламаты сен эсенг да, игиме деб айтма.
Тилде сюек болмаса да, сюек сындырыр.
Аджашхан тёгерек айланыр.
Сакъалы текени да бар, мыйыгъы киштикни да бар.
Адамны аты башхача, акъылы да башхады.
Уллу атлама – абынырса, уллу къабма – къарылырса.
Айтылгъан сёз ызына къайтмаз.
Тюзлюк тас болмайды.
Миллетни бойну – базыкъ, аны бла кюрешген – джазыкъ.
Ишленмеклик адамлыкъды.
Ашхылыкъ джерде джатмайды, аманлыкъ суугъа батмайды.
Насыблы элин сюер, насыбсыз кесин сюер.
Атынг аманнга чыкъгъандан эсе, джанынг тамагъынгдан чыкъсын.

Чат

Внимание!