- Юреннген ауруу къалмаз.
- Ачыу алгъа келсе, акъыл артха къалады.
- Эл ауузу – элек, анга ийнаннган – халек.
- Берекет берсин деген джерде, берекет болур.
- Къонагъы джокъну – шоху джокъ.
- Алма терегинден кери кетмез.
- Намыс сатылыб алынмайды.
- Ачны эсинде – аш.
- Иги адам абынса да, джангылмаз.
- Къуру гыбыт бек дыгъырдар.
- Ёлген ийнек сютлю болур.
- Айтылгъан буйрукъ, сёгюлмез
- Кийим тукъум сордурур.
- Сескекли кесин билдирир.
- Кёлсюзден сёзсюз тууар.
- Атлыны ашхысы, ат тизгининден билинир
- Агъач халкъгъа алтынды, иссиликге салкъынды.
- Сакъалы текени да бар, мыйыгъы киштикни да бар.
- Алим болгъандан эсе, адам болгъан къыйынды.
- Тилде сюек болмаса да, сюек сындырыр.
- Бойнуму джети джерден кессенг да, мен ол ишни этеллик тюлме.
- Онгсузну – джакъла, тенгликни – сакъла.
- Юй кюйдю да, кюйюз чыкъды, ортасындан тюйюш чыкъды.
- Ишни ахырын ойламай, аллын башлама.
- Ашхы сёз таш тешер.
- Бети къызарыучу адамны, джюреги харам болмаз.
- Къайгъыны сюйген, къайгъы табар.
- Ач къарынны, токъ билмез
- Сыфатында болмагъаны, суратында болмаз.
- Эки элинги тыйсанг, джети элде махталырса.
- Чакъырылмагъан къонакъ тёрге атламаз.
- Джюрек кёзден алгъа кёрюр.
- Огъурлуну сёзю – суу, огъурсузну сёзю – уу.
- Тил – кесген бычакъ, сёз – атылгъан окъ.
- Кёзден кетген, кёлден да кетеди.
- Кесине гебен этелмеген, биреуге черен эте эди.
- Джылар джаш, атасыны сакъалы бла ойнар.
- Шайтан алдады, тюзлюк къаргъады.
- Къонакъ аз олтурур, кёб сынар.
- Билим ат болуб да чабар, къуш болуб да учар.
- Аш кетер да бет къалыр.
- Аман адам этегингден тутса, кес да къач.
- Джаралыны джастыгъында сау ёлюр.
- Келинин тута билмеген, къул этер, къызын тута билмеген, тул этер.
- Мал тутхан – май джалар.
- Этек чакъмакълары баш джаргъан, сёлешген сёзлери таш джаргъан.
- Хунаны тюбюн къазсанг, юсюнге ауар.
- Адам къаллай бир ишленмесе, аллай бир кесин уллу кёреди.
- Сагъыш – къартлыкъгъа сюйюмчю.
- Атынг аманнга чыкъгъандан эсе, джанынг тамагъынгдан чыкъсын.
