- Чабакъсыз кёлге къармакъ салгъанлыкъгъа, чабакъ тутмазса.
- Чоюнну башы ачыкъ болса, итге уят керекди.
- Юй кюйдю да, кюйюз чыкъды, ортасындан тюйюш чыкъды.
- Джан саулукъ бермей, сан саулукъ бермезсе.
- Джумушакъ терекни къурт ашар.
- Термилгенинги табмазса, кюлгенинге тюберсе.
- Тилде сюек болмаса да, сюек сындырыр.
- Сёз сёзню айтдырыр.
- Джарлы джети элни сёзюн этер.
- Бёрю да ач къалмасын, эчки да ашалмасын.
- Aдам боллукъ, сыфатындан белгили.
- Тойгъа алгъа да барма, тойда артха да къалма.
- Эл тойса, тоймагъан, эл къойса, къоймагъан.
- Онгсузну – джакъла, тенгликни – сакъла.
- Намыс сатылыб алынмайды.
- Ашатыргъа иш – ашхы, ишлетирге аш – ашхы.
- Кёпюр салгъан кеси ётер, уру къазгъан кеси кетер.
- Игилик игилик бла сингдирилиучю затды.
- Хатерли къул болур.
- Ач къарным, тынч къулагъым.
- Ач келгенни – тойдур, кеч келгенни – къондур.
- Ишге юренсин къоллары, халкъ бла болсун джоллары.
- Къартха ушагъан джаш – акъыллы, джашха ушагъан къарт – тели.
- Кирсизни – саны таза, халалны – къаны таза.
- Ётюрюкчюню шагъаты – къатында.
- Адам сёзюнден белгили.
- Чалманны аллы къалай башланса, арты да алай барады.
- Чакъырылмагъан къонакъ – орунсуз.
- Адамны сыфатына къарама, сёзюне къара.
- Хар зат кесини орнуна иги.
- Сыфатында болмагъаны, суратында болмаз.
- Билимсиз иш бармаз.
- Этек чакъмакълары баш джаргъан, сёлешген сёзлери таш джаргъан.
- Атынг аманнга чыкъгъандан эсе, джанынг тамагъынгдан чыкъсын.
- Ачлыкъ отха секиртир.
- Мал тутхан – май джалар.
- Чомартны къолун джокълукъ байлар.
- Ишленмеген джаш – джюгенсиз ат, ишленмеген къыз – тузсуз хант.
- Кюл тюбюндеги от кёрюнмейди.
- Кеси юйюмде мен да ханма.
- Бетинги сатма, малынгы сат.
- Къонакъ болсанг, ийнакъ бол.
- Тулпарлыкъ, билекден тюл – джюрекден.
- Таукел къуру къалмаз.
- Къууут – джелге, берне – бошха.
- Аман къатын сабий табса, бий болур…
- Эринчекге кюн узун.
- Ёксюзню тилеги къабыл болур.
- Аманнга алтын чыдамаз.
- Джылар джаш, атасыны сакъалы бла ойнар.
