Расширенный поиск
24 Мая 2025 года
Логин: Регистрация
Пароль: Забыли пароль?
Навигация
Словарь
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Тешик этген тынчды, аны джамагъан къыйынды.
  • Къар – келтирди, суу – элтди.
  • Ашхы болсанг, атынг чыгъар, аман болсанг, джанынг чыгъар.
  • Ёгюзню мюйюзлери ауурлукъ этмейдиле.
  • Ишни аллы бла къууанма да, арты бла къууан.
  • Уруну арты – къуру.
  • Мадар болса, къадар болур.
  • Ашхылыкъ джерде джатмайды, аманлыкъ суугъа батмайды.
  • Билими азны – ауузунда кирит.
  • Этни да ашады, бетни да ашады.
  • Ата Джуртун танымагъан, атасын да танымаз.
  • Азыгъы аз, алгъа къабар, аты аман, алгъа чабар.
  • Акъыллы – эл иеси, тели – эл баласы.
  • Тюзню ётмеги тюзде къалса да, тас болмаз.
  • Ишлерге уял да, ашаргъа табма.
  • Сормай – алма, чакъырылмай – барма.
  • Тойгъан джерден туугъан джер игиди.
  • Сангырау къулакъ эл бузар.
  • Аманнга игилик этсенг, юйюнге сау бармазса.
  • Терслик кетер, тюзлюк джетер.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Байма, деб да, къууанма, джарлыма, деб да, джылама.
  • Сибиртки да сыйлы болду, кюрек да кюнлю болду.
  • Мал тутхан – май джалар.
  • Чабакъ башындан чирийди.
  • Ауузу бла къуш тута айланады.
  • Окъуусуз билим – джокъ, билимсиз кюнюнг – джокъ.
  • Къыйынлы джети элни къайгъысын этер.
  • Гитче джилтин уллу элни джандырыр.
  • Адамны сабийин сюйген джюреги, бычакъча, джитиди.
  • Къыз тиширыу кеси юйюнде да къонакъды.
  • Айраннга суу къош, телиге джол бош.
  • Ата – билек, ана – джюрек!
  • «Ёгюз, джаргъа джууукъ барма, меннге джюк боллукъса», - дегенди эшек.
  • Дуния аламаты сен эсенг да, игиме деб айтма.
  • Элге къуллукъ этмеген, элге ие болмаз.
  • Билимден уллу байлыкъ джокъду.
  • Ачлыкъ отха секиртир.
  • «Ма», - дегенни билмесенг, «бер», - дегенни билмезсе.
  • Къуру гыбыт бек дыгъырдар.
  • Аз сёлешген, къайгъысыз турур.
  • Чабакъсыз кёлге къармакъ салгъанлыкъгъа, чабакъ тутмазса.
  • Ёксюзню къалачы уллу кёрюнюр.
  • Нарт сёз къарт болмаз.
  • Биреуню къыйынлыгъы бла кесинге джол ишлеме.
  • Айырылмаз джууугъунга, унутмаз сёзню айтма.
  • Ариу – кёзге, акъыл – джюрекге.
  • Башы ишлегенни, ауузу да ишлер.
  • Биреуге аманлыкъны тилеме да, кесинге ашхылыкъны тиле.

Статьи

Статьи: культура, история, современность

Случайные Лучшие Рекомендуемые

Новые статьи

следующие 5 предыдущие 5

Популярные

за неделю за месяц

Последние комментарии